Að ganga í Evrópusambandið ?

Ég bara spyr, er það eitthvað verra heldur en óbeytt ástand?  Við höfum nú þegar ekki stjórn á ástandinu á Íslandi,  verðbólgan er alltof há, það er byrjað að örla á atvinnuleysi og fiskiveiðistefnan........ ja, það er enginn fiskur eftir í sjónum.  Þá getur það varla vesnað að ganga í Evrópusambandið.

Geir: Ég vil ekki ganga í ESB

Biluð snælda...

Ég var að hlusta á Ólaf Borgarstjóra í Kastljósi í kvöld og var hissa á hvað hann gat malað og malað látlaust án þess að svara spurningum Sigmars.  Auk þess talaði hann stanslaust ofan í við Sigmar og virtist ekki skipta máli hvort Sigmar bað hann að stoppa eða fá að ljúka við spurningar sínar.  Þá áttaði ég mig á því að þetta var eins og Ólafur væri með bilaða snældu sem gengur stanslaust án þess að stoppa.

Hitt er hins vegar, hvernig málum er háttað í Reykjavíkurborgarstjórn með ráðningu Jakobs.  Mér finnst þetta til skammar og gert úr engu hvernig almenningur hefur það í dag.  Auk þess tel ég þetta ekki Borgarinnar til hagsbótar hvernig að þessu var staðið.  Erum við að breytast í siðspillta þjóð? 

Svo er alveg merkilegt hvernig þessir blessaðir stjórnmálamenn og borgarstjórar geta aldrei svarað einföldum spurningum, nema með því fara í kringum svarið eða með útúrsnúningum! 

„Ráðning í samræmi við reglur Reykjavíkurborgar"

Þarf e-ð að ræða þetta nánar?

Ég vil bara undirstrika mína fyrri pistla um þetta blessað ástand.  Það er komið nóg!!!!

Sleppt úr haldi

Hver er rasisti?

Ég lenti í einkennilegu atviki um páskana.  Við fjölskyldan vorum búin að panta okkur sumarbústað í Svignaskarði og komum við í Bónus í Borganesi til þess að versla í matinn.  Konan fór inn að versla, en ég hugsaði um 5 mán. gömlu dóttir mína og auk þess var sú eldri einnig í bílnum.  Ég tók eftir því að bílinn hægra megin við mig var í gangi.  Allt í einu kemur þar maður með lítið organdi barn og ætlar að setja það í bílinn(við hliðina á mér) og rekur hurðina í bílinn minn.   Ég var ekki sáttur enda hlaut hann að sjá hvað hafði gerst, auk þess að hann leit beint á mig.  Síðan ætlaði hann að keyra í burtu.  Ég opnaði og kallaði til hans:  "Þú skelltir hurðinni utan í bílinn minn!"  Þá hélt ég að hann ætlaði í mig, hann varð svo reiður.  Hann kallaði í sífellu:  " Hvað! Hvað! Það sést ekkert". Ég sagðist ekkert vera viss.  Og hann ætlaði augljóslega að keyra í burtu.  Þá ákvað ég að skrifa niður bílnúmerið hans og settist upp í bílinn minn aftur.  Við þetta varð hann brjálaður.  Bankaði ýtrekað á bílgluggann: "OPNAÐU! OPNAÐU!"  Ég verð að segja það að ég var orðinn pínulítið skelkaður og ég hringdi á lögregluna.  Á meðan við biðum, arkaði hann eins og ljón í búri, úthúði mér á íslensku og ensku til skiptis.  Loks kom lögreglan og tók skýrslu af honum og síðan töluðu þeir við mig.  Ég sagðist vera feginn að þeir komu, því mér leist ekkert á blikuna.  En þeir hlógu bara og sögðu að þessi ágæti maður hefði kallað mig RASISTA.  Auk þess kallaði hann lögregluna RASISTA líka.

Mig langar að segja á móti að þessi ágæti maður er í raun RASISTINN í þessu atviki því hann kom mjög dónalega fram við mig og lögregluna.  Hann var mjög æstur og reiður strax þegar ég ræddi við hann.

 Ég kom aldrei fram við hann sem útlending á nokkurn hátt, ég tók ekki eftir því að hann væri útlendingur fyrr en hann úthúðaði mig á ensku, en annars talaði hann mjög góða íslensku.

Mig langaði að koma þessu á framfæri að þessu útlendingahatri á ekki bara við útlendinga, heldur einnig við okkur íslendinga, allavega í mínu tilviki.

 Á morgun ætla ég að fá tjónið bætt.

 Takk fyrir mig.

Sturla! Farðu heim og undir sæng!

Það eru flestir búnir að fá nóg af þessum skrípaleik.  Í fyrstu stóð maður með bílstjórunum, en eftir gærdaginn og í dag, þá hafa "trukkarnir" misst mark sitt.  Ég er mjög hissa á að fullorðið fólk láti svona.  Ég horfði einnig á viðtal við Sturlu í gær sem Jóhanna í Kastljósi tók við hann.  Það skyldist varla hvað hann hafði að segja, því hann var svo æstur og öll skynsemi út um þúfur hjá honum blessuðum.  Svona aðferðir virka ekki í íslensku samfélagi.  Ég hef alla samúð með lögreglunni, því þeir eru nú einu sinni að vinna vinnu sína.  Auðvitað má deila um það hvort mikilli hörku hafi verið beitt í gær, en mér sýnist að það virki engin vettlingatök á þessa ólátabelgi.  Auk þess er þetta samfélag orðið þannig í dag að engin virðing er borin fyrir náunganum, fólk er pirrað í umferðinni og þess háttar.

 Íslendingar! Tökum okkur tak og breytum þessu háttalagi okkar.

kv. Guðmundur

Sturla: „Ekki á okkar ábyrgð"

Barnaleg ummæli Friðriks Ómars, til hamingju Regína Ósk

Þetta var án efa besta lagið.  Vonandi að þetta stígi ekki honum Friðriki til höfuðs.  Hann er óttalega montinn.  Og ef ég man rétt, þá fór hann í fýlu þegar hann tapaði síðast.  En til hamingju Regína Ósk.  Áfram Ísland.

Eurobandið fer til Serbíu

Bankamaðurinn Jón Ásgeir farinn að hafa áhyggjur. Ja, sei, sei.

Jón Ásgeir telur að bankarnir(sem hann á hlut í) leysi sín vandamál með því að Ísland gangi í Evrópusambandið og taki upp evruna.  Snýst þetta ekki frekar um að bankarnir hætti þessu sukki og svínarí.

Jón Ásgeir: Staðan verri en talið er

Mér finnst Sjálfstæðisflokkurinn farinn að hegða sér eins og Rómverjar til forna

Miðað við allt sem á undan er gengið, þá kemur mér þetta ekki á óvart frá Villa og félögum.  Ég held að Sjálfstæðismenn í Borginni ættu að draga sig í hlé.

Blaðamannafélagið sendir Sjálfstæðisflokki bréf

Útrunnin vara

Ég held nú að það þurfi að skipta um spólu í Svandísi

Svandís: borgin á betra skilið